Modern tur sowing practices: रुंद सरी व अरुंद वरंब पद्धत

ही पद्धत बीबीएफ पेक्षा वेगळी असून, सध्या ती प्रामुख्याने शेतकरी स्वतःच्या पातळीवर वापरत आहेत. शेतात ट्रॅक्टरच्या मदतीने रुंद सऱ्या आणि अरुंद वरंब तयार करतात. वरंबावर टोकण पद्धतीने तूर आणि रुंद सऱ्यांमध्ये ट्रॅक्टरने सोयाबीन पेरले जाते. प्रत्येक टप्पा स्वतंत्र असल्यामुळे खर्चिक व किचकट आहे. ही पद्धत प्रामुख्याने ओलितासाठी उपयुक्त आहे.

गादी वाफा पद्धतीने सलग तूर

अलीकडे शेतकरी सलग तूर पिकासाठी गादीवाफा पद्धतीचा अधिक वापर करत आहेत. दोन ओळींमधील अंतर ७ ते १० फूट ठेऊन वाफे तयार केले जातात. ठिबक सिंचनासोबत टोकण पद्धती किंवा यंत्राद्वारे पेरणी केली जाते. झाडांमधील अंतर अर्धा ते दोन फूट असते. कोरडवाहू क्षेत्रात सोयाबीन नंतर उशिरा तूर पेरणी करता येते.