Animal Care: न्यूमोनियावर उपचार करताना जनावरांचा गोठा स्वच्छ, कोरड्या आणि उंच ठिकाणी असावा. गोठ्यात जर पावसाच पाणी येत असेल तर अशा गोठ्याची दुरुस्ती करुन घ्यावी.  योग्य ते उपाय करुन गोठ्यातील तापमान नियंत्रित ठेवण्याचा प्रयत्न करावा. लक्षात ठेवा गोठ्याची नियमित स्वच्छता हा एक न्यूमोनिया टाळण्याचा मुख्य उपाय आहे. आजारी जनावरांना इतर निरोगी जनावरांपासून वेगळे ठेवाव. न्यूमोनिया आजारावर दिली जाणारी प्रतिजैविके फक्त वैद्यकीय सल्ल्यानेच द्यावीत. कोमट पाण्यात पोटॅशिअम मिसळून त्याने वेळोवेळी जनावरांचे नाक स्वच्छ करावं. जनावरांना थंडी वाजू नये म्हणून कृत्रिम ऊब उपलब्ध करून देण्यासाठी स्वच्छ गोणपाटाचा वापर करावा. याशिवाय शारीरिक झीज भरून काढण्यासाठी जनावरांना पौष्टिक आहार द्यावा. अशाप्रकारे गोठ्यात स्वच्छता ठेऊन जनावरांना चांगला आहार देऊन न्यूमोनियाचा प्रादुर्भाव टाळता येतो.