maize farming: देशातील बहुतेक मका उत्पादक राज्यांमध्ये यंदा लागवडीचा टक्का वाढला आहे. मागील दोन वर्षांत कापूस आणि सोयाबीनच्या तुलनेत मका पिकाला बाजारात अधिक भाव मिळाल्यामुळे शेतकऱ्यांनी मक्याचा पेरा वाढविल्याचे जाणकार सांगतात. कर्नाटक हे खरिपातील मका लागवडीच्या आघाडीवरचे राज्य असून, जुलैच्या तिसऱ्या आठवड्यातच येथे १५.२३ लाख हेक्टर क्षेत्रावर लागवड पूर्ण झाली होती, जी गतवर्षी याच कालावधीत १४ लाख हेक्टर होती.