Brinjal rate: बाजारात मागील काही दिवसांपासून वांगी आवक कमी झाली आहे. मात्र दुसरीकडे वांगीला चांगला उठाव आहे. बाजारात आज वांगी सरासरी ३ हजार ते ४ हजार रुपये प्रतिक्विंटलच्या दरम्यान विकली गेली. डाळिंबाचे दर तेजीत आहेत. डाळिंबाला आज सरासरी ७ हजार ते ९ हजार रुपये प्रतिक्विंटलच्या दरम्यान भाव मिळाला. बाजारातील बाजरीची आवक टिकून आहे. त्यामुळे बाजारीचे दरही मागील २ महिन्यांपासून स्थिर दिसत आहेत. बाजारात बाजरी आजही सरासरी प्रतिक्विंटल २ हजार ४०० ते २ हजार ८०० रुपयांच्या दरम्यान विकली गेली. मोहरीचे दर मागील काही आठवड्यांपासून काहीसे सुधारले आहेत. मोहरीला सध्या बाजारात ६ हजार ते ६ हजार ४०० रुपयांच्या दरम्यान भाव मिळत आहे. तुरीच्या बाजारातील मंदी कायम आहे. वाढत्या आयातीमुळे देशात तुरीची उपलब्धता चांगली आहे. सध्या बाजारात तूर प्रतिक्विंटल सरासरी ६ हजार ५०० ते ६ हजार ९०० रुपयांच्या दरम्यान विकली जात आहे.