Weather Update: प्रशांत महासागराच्या विषूववृत्तीय भागात सध्या सर्वासाधारण स्थिती, एन्सो न्यूट्रल आहे. सप्टेंबर ते नोव्हेंबर महिन्यादरम्यान प्रशांत महासागरात 'ला-निना' स्थिती तयार होणार असल्याने मॉन्सून हंगामात 'ला-निना'चा प्रभाव जाणवणार नाही. मात्र ईशान्य मोसमी वाऱ्यांच्या हंगामात मॉन्सूनचा प्रभाव असण्याची शक्यता आहे. यातच सप्टेंबर महिन्यात इंडियन ओशन डायपोल सर्वसाधारण पातळीवर राहण्याचे संकेत आहेत. देशात सप्टेंबर महिन्यात पावसाची सरासरी १६७.९ मिलिमीटर आहे. म्हणजेच एवढा पाऊस सप्टेंबर महिन्यात सरासरी पडतो. हवामान विभागाच्या अंदाजानुसार यंदाच्या सप्टेंबर महिन्यात या सरासरीच्या तुलनेत ९ टक्क्यांपेक्षा अधिक पाऊस पडू शकतो.