heavy rain forecast Maharashtra: आज कोकण आणि मध्य महाराष्ट्रातील घाटमाथ्यावर मुसळधार पावसाचा अंदाज व्यक्त करण्यात आला आहे. रत्नागिरी, रायगड, मुंबई आणि ठाणे जिल्ह्यांसाठी हवामान विभागाने जोरदार ते अतिजोरदार पावसाचा ऑरेंज अलर्ट दिला आहे. याशिवाय सिंधुदूर्ग आणि पालघर जिल्ह्यांतही काही ठिकाणी जोरदार पावसाची शक्यता आहे. पुणे, नाशिक, धुळे आणि नंदूरबार या घाटमाथ्याच्या जिल्ह्यांतही पावसाचा जोर राहण्याची शक्यता आहे. मराठवाड्यात काही ठिकाणी हलक्या ते मध्यम सरी पडू शकतात अशी शक्यता हवामान विभागाने वर्तवली आहे.