Milk Rate: दूध पावडरचे दर २२५ ते २३० रुपयांवरून २०५ ते २१० रुपयांपर्यंत कमी झाले. भाव कमी होऊनही ग्राहक नाहीत. खरेदीदार पावडरचे भाव २०० रुपयांपर्यंत खाली येण्याची वाट पाहत आहेत. दूध पावडरचे भाव कमी झाल्याचा सर्वाधिक फटका दूध उत्पादकांना बसणार आहे. आधीच शेतकऱ्यांना केवळ २५ ते २७ रुपयांचा भाव मिळत आहे. सरकारच्या या निर्णयामुळे दुधाच्या खरेदी भावात पुन्हा ३ ते ४ रुपयांपर्यंत घट होऊ शकते. यामुळे दूध भावासाठी आंदोलन करणाऱ्या शेतकऱ्यांसाठी मोठा झटका असेल, असे दूध उद्योगातील जाणकारांनी सांगितले.