soybean bhav: देशातील बाजारात सोयाबीनचा भाव टिकून आहे. सध्या बाजारात सोयाबीनला प्रतिक्विंटल सरासरी ४ हजार ४०० ते ४ हजार ७०० रुपयांचा दर मिळत आहे. आले पिकाच्या दरातील घसरणीमुळे शेतकऱ्यांची चिंता वाढली होती.आल्याला बाजारात सध्या प्रतिक्विंटल ३ हजार ५०० ते ४ हजार रुपयांपर्यंत दर मिळत आहे. राज्यातील बाजारात गवारचे दर तेजीत आहेत. सध्या बाजारात गावरला ६ हजार ते ८ हजार रुपये गुणवत्तेनुसार दर मिळत आहे. भेंडीचे दर मागील २ आठवड्यांपासून बाजारात टिकून आहेत. सध्या भेंडीला २ हजार ५०० ते ३ हजार रुपये दर मिळत आहे. पपईला मागणी असतानाच बाजारातील आवक मात्र कमी आहे. त्यामुळे शेतकऱ्यांना जागेवर सध्या १६०० ते १८०० रुपये प्रतिक्विंटलचा दर मिळत आहे.