causes of whitefly: पांढऱ्या माशीच्या प्रादुर्भावामुळे ऊसाच्या उत्पादनात सुमारे ८६ टक्क्यांपर्यंत घट होऊ शकते, तसेच साखरेच्या उताऱ्यात ३ ते ४ युनिटने घट दिसून येते. त्यामुळे या किडीपासून ऊसाचे योग्य वेळी संरक्षण करणे अत्यंत गरजेचे आहे. पूर्वी दुय्यम समजल्या जाणाऱ्या पांढरी माशी व लोकरी मावा या किडी आता मुख्य कीड म्हणून समोर येत आहेत. विशेषतः पाणी साचलेल्या शेतांमध्ये पांढऱ्या माशीचा प्रादुर्भाव अधिक दिसतो. तसेच ऊसाच्या वाणानुसारही प्रादुर्भावाच्या तीव्रतेत फरक जाणवतो. ऊस उत्पादकांनी याकडे गांभीर्याने पाहणे आवश्यक आहे आणि कीड व्यवस्थापनाचे उपाय वेळेत राबवणे गरजेचे आहे.