Farmer ID benefits: अ‍ॅग्रीस्टॅक प्रकल्पाअंतर्गत शेतकऱ्यांची नोंदणी सध्या सुरू आहे. विविध शासकीय योजनांचा लाभ घेण्यासाठी शेतकऱ्यांना ओळखपत्र – म्हणजेच ‘फार्मर आयडी’ अनिवार्य करण्यात आलं आहे. आता हमीभाव खरेदी, पीकविमा, कर्जमाफी, पीक कर्ज, पीएम किसान योजनेसोबतच शेतकऱ्यांना हवामानाचा अंदाजदेखील त्यांच्या मोबाइलवर थेट मिळणार आहे, पण हे फक्त फार्मर आयडी असलेल्या शेतकऱ्यांनाच शक्य होणार आहे. यासाठी भारतीय हवामान विभाग आणि कृषी विभागामध्ये सध्या चर्चा सुरू आहे. गावनिहाय हवामान अंदाज शेतकऱ्यांच्या मोबाइलवर थेट पोहोचवण्याची ही योजना आहे.