पुणे : जुन्नर तालुक्यातील नगदवाडी येथील विविध कार्यकारी सेवा सहकारी सोसायटीचे जुन्नर तालुक्यातील प्रथम पीककर्जाचे (Crop loan) वाटप गुढीपाडव्याच्या मुहूर्तावर करण्यात आले.
हिवरे बुद्रुक विविध कार्यकारी सेवा सोसायटीचे अध्यक्ष अमित बेनके यांच्या हस्ते दिलीप भोर, अल्पेश बढे, गणेश कुतळ या सभासदांना प्रातिनिधिक स्वरूपात पीक (Crop) कर्जवाटप करण्यात आले. विविध कार्यकारी संस्थेचे ८५२ सभासद आहेत.

त्यापैकी संस्थेने ३६० सभासदांना कर्जवाटप केले. १ कोटी ९० लाख रुपयांचे खरीप हंगामाचे व रब्बी हंगामाची ८७ लाख कर्जाचे वाटप दरवर्षी केले जाते. जिल्ह्यात सर्वांत प्रथम कर्ज वाटप करणारी संस्था म्हणून नगदवाडी विविध कार्यकारी सेवा सोसायटी ओळखली जाते.
पुणे जिल्हा बँकेचे संचालक व कृषी उत्पन्न बाजार समितीचे सभापती संजय काळे व सुभाष कवडे यांचे मार्गदर्शन, बँकेचे विकास अधिकारी सुधीर सुरकुले, किरण गोडे इतर कर्मचाऱ्यांचे सहकार्य लाभले.