Pune News: राज्यात पीक संरक्षण कामासाठी ड्रोन वापराचे प्रमाण वाढत असून आतापर्यंत केवळ सरकारी योजनेतून १६ कोटींच्या ड्रोनची खरेदी झाली आहे. या वर्षी राज्यातील ड्रोनची संख्या ६०० च्या पुढे जाईल, अशी माहिती कृषी विभागातून देण्यात आली..केंद्राच्या कृषी यांत्रिकीकरण उपअभियानातून ‘नमो दीदी ड्रोन’ तसेच राज्याच्या कृषी यांत्रिकीकरण योजनेतून ‘मुख्यमंत्री शेतकरी ड्रोन’ योजना राबविली जात आहे. या दोन्ही योजनांमधून दहा लाख रुपयांपर्यंत ड्रोन प्रणाली विकत घेता येते. त्यात कृषी पदवीधरांसाठी पाच लाखापर्यंत अनुदान मिळते तर इतरांसाठी चार लाखापर्यंत अनुदान दिले जाते. ड्रोन अनुदान मिळण्यासाठी महाडीबीटी संकेतस्थळावर राज्यातून तीन हजार १४८ अर्ज आले होते. त्यातील एक हजार ९६९ अर्ज पात्र होते. त्यातील ६४४ अर्जांना पूर्वसंमतिपत्रे देण्यात आलेली आहेत..Agriculture Drone Technology: सेन्सर्स, जीपीएस, जीआयएस प्रणालीयुक्त ड्रोन .कृषी अभियांत्रिकी संचालनालयाच्या म्हणण्यांनुसार, राज्यात आतापर्यंत १८० ड्रोनची खरेदी झाली आहे. संबंधित ड्रोनचालकांना आठ कोटी १५ लाख रुपयांचे अनुदान वाटण्याची प्रक्रिया चालू झाली आहे. किसान ड्रोन खरेदीसाठी केंद्राने विशेष योजना लागू केल्यानंतर राज्यात ड्रोन सेवा सुविधा केंद्र स्थापन करण्याचे प्रमाण वाढले आहे. योजनेमुळे ग्रामीण नवउद्योजक, शेतकरी उत्पादक कंपनी, शेतकरी उत्पादक संस्था तसेच शेतकरी गटांना ड्रोन घेण्याची संधी मिळते आहे..Agriculture Drone: जिल्हाधिकाऱ्यांनी घेतला कृषी ड्रोन हाताळणीचा अनुभव .मान्यताप्राप्त कंपनीकडून घेतल्यासच अनुदानदरम्यान, ड्रोन अनुदान योजना येताच बाजारपेठेत अनेक कंपन्या उतरल्या आहेत. मात्र, कृषी विभागाने मान्यता दिलेल्या कंपनीकडून किंवा विक्रेत्याकडून विकत घेतलेल्या ड्रोनवरच अनुदान दिले जाणार आहे..अभियांत्रिकी संचालनालयाने अलीकडेच मान्यताप्राप्त उत्पादक व विक्रेत्यांच्या सुधारित यादीला मान्यता दिली आहे. यात देशभरातील ३३ उत्पादक कंपन्यांचा समावेश असून त्यापैकी आठ कंपन्या राज्यातील आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
