शिवम कुमार
शिवम कुमार 
मुख्य बातम्या

शेतकऱ्याच्या १५ वर्षीय मुलाचे ‘जेईई’त यश

वृत्तसेवा

नवी दिल्ली ः देशातील प्रतिष्ठित इंडियन इन्‍स्‍टिट्यूट ऑफ टेक्नॉलॉजी (आयआयटी) संस्थेत प्रवेशासाठी घेण्यात आलेल्या ‘जेईई’ परीक्षेत बिहारमधील एका खेड्या गावातील शेतकऱ्याच्या १५ वर्षीय शिवम कुमारने यश संपादित केले आहे. या वर्षी ‘जेईई’मध्ये पास होणारा शिवम हा सर्वांत लहान विद्यार्थी ठरला आहे.  शिवमचा जन्म २८ आॅक्टोबरला बाखोरपूर या गावात झाला. नुकत्याच लागलेल्या ‘जेईई’ परिक्षेत ३६० पैकी २४१ गुण मिळवत शिवमने देशात ३८३ वे स्थान पटकावले आहे. शिवमचा मोठा भाऊ सत्यमही २०१२ मध्ये १३ व्या वर्षी ‘जेईई’ परीक्षा उत्तीर्ण झाला होता. ‘‘नियमित अभ्यास, नोट्स, सराव आणि प्रश्न सोडविल्यामुळे मला यश मिळाले’’, असे शिवमने म्हटले आहे. तसेच शिवमने १२ वीच्या परीक्षेत ९२ टक्के गुण संपादित केले आहे. शिवाय त्याने नॅशनल टॅलेंट सर्च एक्झामिनेशनमध्येही (एनटीएसई) यश मिळविले आहे. ‘एनटीएसई’ ही देशपातळीवरील महत्त्वाची शिष्यवृत्ती परीक्षा आहे.  गावात चांगल्या शिक्षणाची सोय नसल्याने वडिलांनी शिवमला भाऊ सत्यमसोबत कोटा येथे शिक्षणासाठी पाचव्या वर्षी पाठविले. त्याने शाळेतील प्रवेश परीक्षेत चांगले गुण मिळविल्याने त्याला थेट तिसऱ्या वर्षात प्रवेश देण्यात आला. ‘‘माझ्या दोन्ही मुलांनी महत्त्वाच्या जेईई परीक्षेत यश संपादन केल्याने मला त्याचा आनंद आहे,’’ अशी प्रतिक्रिया शिवमचे वडील सिद्धनाथ सिंग यांनी व्यक्त केली.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Fire In MP Forest : धुमसणाऱ्या उत्तरराखंडमुळे मध्यप्रदेश अलर्ट; थेट कारवाई करण्याचे संकेत

Uttarakhand Forest Fire : धुमस्ते उत्तराखंड!; नैनितालनंतर गढवालपासून कुमाऊंपर्यंत जंगलात ४० ठिकाणी वणवा

Dairy Record Keepnig : दुग्धव्यवसायात नोंदी ठेवण्याचे फायदे

Maharudra Mangnale : निव्वळ कोरडवाहू शेती ही शेती नाहीच! 

Indrjeet Bhalerao : तांदूळवाडी ते मेरठ : एका प्रज्ञेचा प्रवास

SCROLL FOR NEXT