क्विन्सलॅंड विद्यापीठातील संशोधकांनी ३ हजारापेक्षा अधिक भात जातींची अभ्यास केला असून, त्यातील जैवविविधतेच्या मुळापर्यंत जाण्याचा प्रयत्न केला आहे. त्यांच्या अभ्यासामध्ये सर्व भात जाती या मूळ दोन मातृजनुकीय संरचनेतून तयार झाल्या असल्याचे दिसून आले आहे. जगातील अर्ध्यापेक्षा अधिक लोकसंख्येचे मुख्य अन्न हे भात आहे. लागवडीखालील एकूण क्षेत्रापैकी तिसऱ्या क्रमांकाचे पीक हे भात असून, दरवर्षी ६३० दशलक्ष टन उत्पादन घेतले जाते. लोकांच्या आहारातील या महत्त्वाच्या पिकाची जैवविविधताही मोठी आहे. जगाच्या कानाकोपऱ्यात भाताचे उत्पादन घेतले जात असल्याने हजारो भात जाती लागवडीखाली आहेत. या सर्व भातजातींचे मूळ शोधण्याचा प्रयत्न क्विन्सलॅंड विद्यापीठातील प्रो. रॉबर्ट हेन्री व सहकाऱ्यांनी केला आहे. त्यांनी ३००० पेक्षा अधिक भातजातींचा अभ्यास केला आहे. ही सर्व जैवविविधता मुळांमध्ये दोन मातृकुळातून तयार झाली असल्याचे त्यांना आढळून आले. परिसरातील वातावरणानुसार भातजातींमध्ये अनेक बदल होत गेले आहेत. हे बदल नेमके कसे झाले असावेत, याची माहिती मिळवण्यासाठी हे संशोधन उपयुक्त ठरणार आहे. हे संशोधन ‘बीएमसी प्लॅंट बायोलॉजी’ या संशोधनपत्रिकेमध्ये प्रकाशित झाले आहे. निष्कर्ष ः

प्रो. रॉबर्ट हेन्री यांनी दिलेल्या माहितीनुसार,