Water shortage in Aurangabad, Beed, Osmanabad district
Water shortage in Aurangabad, Beed, Osmanabad district 
मुख्य बातम्या

औरंगाबाद, बीड, उस्मानाबाद जिल्ह्यात पाणीटंचाई

टीम अॅग्रोवन

औरंगाबाद : मराठवाड्यातील औरंगाबाद, बीड, उस्मानाबाद या तीन जिल्ह्यातील ७१ गाव व १९ वाड्यांना तीव्र पाणीटंचाईला सामोरे जावे लागत आहे. त्या ठिकाणी ८३ टँकरद्वारे पाणीपुरवठा सुरू आहे. टॅंकर व्यतिरिक्त पाणीपुरवठ्यासाठी ९० विहिरींचे अधिग्रहण करण्यात आले आहे. 

औरंगाबाद जिल्ह्यातील औरंगाबाद, पैठण, वैजापूर, गंगापूर या चार तालुक्यांत पाणीटंचाई आहे. औरंगाबाद तालुक्यातील २४ गावे व १० वाड्यांमधील सर्वाधिक ५२ हजार ३१२ ग्रामस्थ टंचाईचा सामना करीत आहेत. २१ टँकरद्वारे पाणीपुरवठा सुरू आहे. आठ विहिरींचे अधिग्रहण करण्यात आले आहे. गंगापूर तालुक्यातील २१ गाव व २ वाड्यांमधील ३५ हजार ८६० ग्रामस्थांसाठी १५ टँकरची सोय करण्यात आली आहे. १२ विहिरींचेही अधिग्रहण करण्यात आले आहे. पैठण तालुक्यातील एका गावातील ७४२९ पाणीटंचाईचा सामना करणाऱ्या ग्रामस्थांना २ टँकरने पाणी पुरवले जात आहे. 

वैजापूर तालुक्यातील ६ गावे व एका वाडीतील ७ हजार १०० ग्रामस्थांना ६ टँकरने पाणी पुरविले जात आहे. ११ विहिरींचेही गंगापूरमध्ये अधिग्रहण करण्यात आले आहे. बीड जिल्ह्यातील आष्टी तालुक्यातील ११ गाव व ६ वाड्यांतील ३५ हजार २५९ ग्रामस्थांना टंचाईचे चटके बसत आहेत. १८ टॅंकरद्वारे पाणीपुरवठा केला जात आहे. ४ विहिरींचे तालुक्यात अधिग्रहण करण्यात आले. आष्टी शहरात जवळपास २० हजार नागरिक टंचाईला सामना करीत आहेत. त्यासाठी १३ टँकरद्वारे पाणी पुरवले जात आहे. 

उस्मानाबाद जिल्ह्यातील उस्मानाबाद तालुक्याअंतर्गत एका गावांत १५१५ ग्रामस्थांसाठी दोन टँकरची सोय केली आहे. ७ विहिरींचे तालुक्यात अधिग्रहण करण्यात आले आहे. परंडा तालुक्यातील ६ गावांमधील ७५२२ ग्रामस्थांसाठी ६ टँकरने पाणी पुरवले जात आहे. १३ विहिरींचे अधिग्रहण करण्यात आल्याची माहिती प्रशासनाच्या सूत्रांनी दिली.    मराठवाड्यातील औरंगाबाद, जालना, बीड, उस्मानाबाद व लातूर या जिल्ह्यांमध्ये अधिग्रहित करण्यात आलेल्या ९० विहिरींपैकी ६६ विहिरींचे अधिग्रहण टँकर व्यतिरिक्त पाणीपुरवठ्यासाठी, तर २४ विहिरींचे अधिग्रहण पाणीपुरवठा करणाऱ्या टँकरसाठी करण्यात आले आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Turmeric Production : हळद उत्पादन वाढीची सूत्रे

Mango Growing : आंबे पिकविण्याची स्वस्त, सुरक्षित पद्धत

Climate Change : हवामान बदलाचा फळबागेला जोरदार फटका

Indian Politics : गांधींचा वारसा, मोदींचा आरसा

Delhi Farmers' protest : शेतकरी आंदोलनाचा थर्मल प्लांटला फटका; कोळसा पुरवठा बंद, अनेक रेल्वे गाड्या रद्द

SCROLL FOR NEXT