अकोला  ः नवी दिल्ली येथील अखिल भारतीय कृषी विद्यार्थी संघटनेतर्फे डॉ. पंजाबराव देशमुख कृषी विद्यापीठाचे कुलगुरू डॉ. विलास भाले यांना हरीतरत्न २०१९ हा पुरस्कर देऊन गौरविण्यात आले. रायपूर येथील इंदिरा गांधी कृषी विश्वविद्यालय, अखिल भारतीय कृषी विद्यार्थी संघटना आणि भारतीय कृषी अनुसंधान परिषद यांच्या संयुक्त विद्यमाने रायपूर येथे सोमवारी (ता. २०) ‘भावी पिढीसाठी नावीन्यपूर्ण कृषी उपक्रम- कृषी आणि तत्सम क्षेत्रांतील शाश्वत मनुष्यबळनिर्मितीमधील संधी आणि आवाहने’ या विषयावरील पाचव्या राष्ट्रीय युवा परिषदेत भारतीय कृषी अनुसंधान परिषदेचे उपमहानिदेशक डॉ. आर. सी. अग्रवाल यांच्या हस्ते डॉ. भाले यांना हा पुरस्कार देण्यात आला. या प्रसंगी इंदिरा गांधी कृषी विश्वविद्यालयाचे कुलगुरू डॉ. कर्नल. एस. के. पाटील, राष्ट्रीय कृषी आणि ग्रामीण बँकेचे व्यावसायिक महाव्यवस्थापक एम. सोरेन, अखिल भारतीय विद्यापीठ संघटनेचे सचिव डॉ. आर. पी. सिंग, आसाम कृषी विश्वविद्यालयाचे माजी कुलगुरू डॉ. व्ही. एस. बघेल, अखिल भारतीय विद्यापीठ संघटनेचे भूतपूर्व अध्यक्ष डॉ. एन. सी. पटेल यांच्यासह कृषी विद्यार्थी संघटनेचे सचिव डॉ. सहदेव सिंग यांची प्रमुख उपस्थिती होती.