पालकमंत्री प्रा. राम शिंदे यांच्या हस्ते वृक्षारोपण करण्यात आले
पालकमंत्री प्रा. राम शिंदे यांच्या हस्ते वृक्षारोपण करण्यात आले 
मुख्य बातम्या

लावलेली झाडे जोपासण्यात नगर राज्यात पुढे : प्रा. शिंदे

टीम अॅग्रोवन

नगर  : राज्यभर वृक्षारोपण केले जात आहे. त्यामुळे राज्य वृक्षारोपणात आदर्श निर्माण करत आहे. झाडे असली तर पाऊस होतो हा निसर्गाचा नियम आहे. त्यामुळे नागरिकांनी वृक्षारोपणात सहभाग घ्यावा. नगर जिल्हा लावलेली झाडे जोपासण्यात राज्यात पुढे आहे, असे प्रतिपादन पालकमंत्री प्रा. राम शिंदे यांनी केले.

वडगाव सावताळ (ता. पारनेर) येथे रविवारी (ता. १) पालकमंत्री प्रा. राम शिंदे यांच्या हस्ते वृक्षारोपण करून वृक्षलागवड मोहिमेला प्रारंभ झाला. जिल्हाधिकारी राहुल द्विवेदी, जिल्हा परिषदेचे मुख्य कार्यकारी अधिकारी विश्वजीत माने, उपवन संरक्षक आदर्श रेड्डी, आदर्श गाव प्रकल्प व संकल्प समितीचे कार्याध्यक्ष पोपटराव पवार, उपमुख्य कार्यकारी अधिकारी प्रशांत शिर्के, सामाजिक वनीकरण विभागाच्या किर्ती जमदाडे, तहसीलदार भारती सागरे, विश्वनाथ कोरडे, वसंत चेडे, सरपंच छाया शिंदे, संजय रोकडे यावेळी उपस्थित होते.

प्रा. शिंदे म्हणाले, की वृक्षलागवड मोहिमेतून नगर जिल्ह्यात ५० लाख ५७ हजार झाडे लावली जाणार आहेत. एक वर्षापासून त्याचे नियोजन केले. ५९ रोपवाटिकांतून रोपे निर्मिती केली आहेत. दुष्काळाचा फेरा टाळण्यासाठी प्रत्येकाने वृक्षलागवड करून त्याची जोपासना करावी. जलयुक्त शिवार अभियानामुळे जिल्हा टॅंकर मुक्तीकडे वाटचाल करत आहे. जिल्ह्यातील विकास कामासाठी निधी भरभरून देतो आहोत. त्यामुळे जिल्हा विकासात आघाडीवर आहे.

राज्य सरकारने चार वर्षांपासून सुरू केलेली जलयुक्त शिवार अभियान ही योजना आता राज्यातील जलसंधारणाला बळकटी देणारी आहे. जेथे माथा आणि पायथ्यावर वन असेल तेथेच पाणी असते. त्यामुळे वृक्षलागवड आणि लावलेली झाडे जोपासणे गरजेचे आहे, असे पोपटराव पवार यांनी सांगितले. राज्यात सुमारे बारा हजार वन समित्या सक्रिय असल्याचे त्यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Crop Damage Rain : वादळी पावसाने टोमॅटो, मिरची, भेंडीसह ऊस पीक उद्धवस्त, नुकसान भरपाई मिळणार कधी?

Konkan Ranmeva : कोकणच्या रानमेव्यावर वातावरणाचा परिणाम, अनेकांचे आर्थिक गणित कोलमडणार

Agrowon Podcast : हळदीचे भाव तेजीतच; कापूस, सोयाबीन, गहू, लिंबू यांचे काय आहेत दर पाहुयात?

Ethanol Production : कांदा उत्पादकांच्या पाठोपाठ ऊस उत्पादकांनाही सरकारनं घोषणा करून भूलवलं ? | शेतीच्या बातम्या

Maharashtra Rain : राज्यात उष्णतेच्या लाटेचा इशारा; देशातील अनेक भागात तापमानाचा पारा ४२ ते ४६ अंशाच्या दरम्यान

SCROLL FOR NEXT