नगर ः कृषी विधेयके रद्द करण्यासाठी दिल्लीत सुरू असलेल्या आंदोलनाला पाठिंबा देत नगर, राळेगणसिद्धी (ता. पारनेर) येथे  ट्रॅक्टर रॅली काढण्यात आली. राळेगणसिद्धी ते पारनेर तहसील कार्यालयापर्यंत निघालेल्या ट्रॅक्टर रॅलीत ज्येष्ठ समाजसेवक अण्णा हजारे यांच्यासह शेतकरी सहभागी झाले होते.

अनेक दिवसांपासून दिल्लीत शेतकऱ्यांचे आंदोलन सुरू आहे. त्याला पाठिंबा देण्यासाठी मंगळवारी (ता. २६) आदर्श गाव राळेगणसिद्धी (ता. पारनेर) येथील शेतकऱ्यांनी ट्रॅक्टर रॅली काढली. परिसरातील शेतकऱ्यांसह ज्येष्ठ समाजसेवक अण्णा हजारे रॅलीत सहभागी झाले होते. अण्णा शेतकऱ्यांसमवेत पारनेरपर्यंत गेले. तेथे शेतकऱ्यांनी तहसीलदारांना निवेदन दिले. ॲड. सुभाष लांडे, हमाल पंचायतीचे अध्यक्ष अविनाश घुले कार्यकर्ते सहभागी झाले होते.