रिसोडमध्ये कांदा बीजोत्पादनाकडे कल Tendency towards onion seed production in Risod
रिसोडमध्ये कांदा बीजोत्पादनाकडे कल Tendency towards onion seed production in Risod 
मुख्य बातम्या

रिसोडमध्ये कांदा बीजोत्पादनाकडे कल 

टीम अॅग्रोवन

रिसोड, जि. वाशीम : तालुक्यात यंदा कांदा बीजोत्पादनाच्या क्षेत्रात वाढ झाली आहे. शेतकऱ्यांचा व्यावसायिक पिकांकडे कल वाढत असल्याचे स्पष्ट झाले आहे. यंदा भर जहागीर परिसरामध्ये शेतकऱ्यांनी करार पद्धतीने कांदा बीजोत्पादन घेण्यासाठी पुढाकार घेतला असून, या परिसरात सुमारे १०० एकरापेक्षा अधिक क्षेत्रावर लागवड झाली आहे. खासगी कंपन्यांसोबत शेतकऱ्यांनी करार करीत ही लागवड केली आहे. 

भर जहागीर परिसरामध्ये मागील काही वर्षांपासून सिंचन वाढत आहे. सिंचन तलाव तयार झाल्याने त्याचा फायदा शेतीला होत आहे. बहुतांश शेतकरी पारंपरिक पिकांऐवजी विविध खासगी बीज उत्पादन कंपन्यासोबत करार शेती करीत आहेत. बोरखेडी येथील अनेक शेतकऱ्यांनी टोमॅटो, भेंडी, एरंडी, भोपळा, वांगी यासह इतर भाजी वर्गीय

पिकांच्या बीजोत्पादनासाठी करार पद्धतीने कंपन्यासोबत करार केले. प्रामुख्याने कांदा बीजोत्पादनाकडे कल वाढला आहे. शेतकऱ्यांनी कांदा कंपनीसोबत बियाण्याचा ५० हजार रुपये प्रतिक्विंटल बियाण्याचा करार केला आहे. कंपनीने तीन हजार ते ३ हजार २०० रुपयांपर्यंत बेणे पुरविले आहे. खासगी व्यापाऱ्यांनी २००० ते २ हजार ७०० रुपये दराने बियाणे पुरवीत ३० रुपये क्विंटलचा करार केला आहे.

मांगवाडी, भर जहागीर, मोरगव्हाण, वाडी, जवळा, कुऱ्हा, चाकोली सारख्या विविध गावांमध्ये कांदा उत्पादनाकरीता खासगी कंपनीसोबत करार पद्धतीचा शेतकऱ्यांनी स्वीकार केलेला दिसत आहे. 

प्रतिक्रिया मागील काही महिन्यांत कांदा बियाणे महागल्याने बहुतांश शेतकरी कांदा बीजोत्पादन घेण्याकडे वळाले आहेत. बाजार पेठेतील कांदा बियाण्याच्या दराचा अंदाज येत नसल्याने कंपनीसोबत दर ठरवून करार करण्याला प्राधान्य देण्यात आले आहे.  इंदरकुमार कोकाटे, कांदा बीज उत्पादक, ता. रिसोड   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Book Review : ऋग्वेदाच्या पौराणिक अन् वैज्ञानिक स्पष्टीकरणाचा प्रयत्न

Drought Monitoring : दुष्काळ पाहणी पथकांचा सोपस्कार

Interview with Dashrath Tambale, Director of Atma : सेंद्रिय किंवा नैसर्गिक शेतीची सक्ती नाहीच...

Rural Story : जागरण

Sugarcane Management : खोडवा उसाचे व्यवस्थापन

SCROLL FOR NEXT