नांदेड : राज्यात पुनर्रचित हवामानावर आधारीत पीकविमा योजना २०१९-२० मध्ये आंबिया बहाराकरिता लागू करण्यास मंजुरी देण्यात आली आहे. जिल्ह्यातील केळी, मोसंबी, आंबा या फळपिकांसाठी ही योजना लागू आहे. कर्जदार शेतकऱ्यांना केळी फळ पिकाचा विमा प्रस्ताव सादर करण्यासाठी गुरुवार (ता. ७) पर्यंतची, तर बिगर कर्जदार शेतकऱ्यांना शुक्रवार (ता. १५) पर्यंतची अंतिम मुदत आहे.

भारतीय कृषी पीकविमा कंपनीतर्फे ही योजना राबविण्यात येणार आहे. जिल्ह्यात मोसंबी, केळी, आंबा तसेच द्राक्ष या ४ फळपिकांसाठी ही योजना आहे. गारपीट आणि हवामान धोक्यासाठी विमा हप्ता भरण्याची अंतिम मुदत कर्जदार शेतकऱ्यांसाठी केळी, मोसंबी, द्राक्ष फळासाठी गुरुवार (ता. ७), तर आंबा पिकासाठी मुदत ३१ डिसेंबरपर्यंत आहे. बिगर कर्जदार शेतकऱ्यांसाठी केळी, मोसंबी, द्राक्षासाठी शुक्रवार (ता. १५) आणि आंबा पिकासाठी मंगळवार (ता. ३१) डिसेंबरपर्यंत अंतिम मुदत राहील. तालुका कृषी अधिकारी कार्यालयाशी, बँकेशी, संबंधित विमा कंपनीशी संपर्क साधा, असे करण्यात आले.

ही योजना अधिसूचित फळपिकांसाठी, अधिसूचित महसूल मंडळांना लागू राहील. अधिसूचित फळपीक तालुकानिहाय, अधिसूचित महसूल मंडळे पुढीलप्रमाणे : मोसंबी ः नांदेड तालुका ः  लिंबगाव, विष्णुपुरी, मुदखेड तालुका ः बारड, अर्धापूर तालुका ः मालेगाव (एकूण मंडळे ः ४) केळी ः  नांदेड तालुका ः तरोडा बु., तुप्पा, वसरणी, लिंबगाव, विष्णुपूरी, अर्धापूर तालुका ः  अर्धापूर, दाभड, मालेगाव, मुदखेड तालुका ः मुदखेड, मुगट, बारड, हदगाव तालुका ः हदगाव, तामसा, मनाठा, आष्टी, लोहा तालुका ः शेवडी बा., भोकर तालुका ः भोकर, देगलूर तालुका ः  मरखेल, हाणेगाव, किनवट तालुका ः किनवट, बोधडी (एकूण मंडळे २१) आंबा ः अर्धापूर तालुका ः मालेगाव, दाभड, मुखेड ः मुक्रमाबाद (एकूण ३ मंडळे).

फळपीकनिहाय विमा स्थिती