सांगली जिल्हा बॅंकेला कर्जमाफीसाठी मिळाले ४ कोटी
सांगली जिल्हा बॅंकेला कर्जमाफीसाठी मिळाले ४ कोटी 
मुख्य बातम्या

सांगली जिल्हा बॅंकेला कर्जमाफीसाठी मिळाले ४ कोटी

टीम अॅग्रोवन

सांगली ः राज्य शासनाच्या छत्रपती शिवाजी महाराज शेतकरी सन्मान योजनेतील कर्जमाफीच्या दहाव्या यादीतील कर्जमाफी, प्रोत्साहन अनुदानासाठी ४ कोटी २० लाख रुपये जिल्हा बॅंकेला मिळालेत. ही रक्कम शेतकऱ्यांच्या खात्यावर वर्ग केली जाणार आहे, असे बॅंक प्रशासनाने सांगितले.

मागील वर्षी जून महिन्यात शासनाने ही कर्जमाफी योजना जाहीर केली. प्रामाणिक शेतकऱ्यांना लाभाचे निकष ठरवले गेले. मात्र, वारंवार बदल केले गेले. कर्जमाफीची रक्कम टप्प्याटप्प्याने उपलब्ध होत आहे. गेल्या १५ दिवसांपूर्वी १० वी ग्रीन लिस्ट जाहीर करण्यात आली. जिल्ह्यातील जिल्हा बॅंकेशी संबंधित ३ हजार २३० शेतकऱ्यांचा समावेश आहे. ७ कोटी ५ लाख ७२ हजार रुपयांची रक्कम मंजूर आहे. त्यापैकी चार कोटी रुपयांची रक्कम मिळाली आहे. दोन हजार ३९१ शेतकऱ्यांना तीन कोटी ८५ लाख रुपयांचे प्रतिशेतकरी २५ हजारांचे प्रोत्साहन अनुदान मिळणार आहे.

कर्जमाफी आणि प्रोत्साहन अनुदासाठी जिल्हा बॅंकेकडे चार कोटी रुपयांची रक्कम उपलब्ध झाली आहे. ही रक्कम संबंधित शेतकऱ्यांच्या कर्ज खाते अथवा सेव्हिंग्ज खात्यावर जमा करण्यात येत आहे. दीड लाखापेक्षा जास्त कर्ज असलेल्या ओटीएस योजनेखाली १८७ शेतकऱ्यांचा समावेश आहे. त्यांना एक कोटी ८० लाख रुपये भरल्यानंतर एक कोटी ८१ लाख रुपयांचा लाभ मिळणार आहे.

दरम्यान, आत्तापर्यंत एक लाख १७ हजार ८२१ शेतकऱ्यांना २६६ कोटी ६८ लाख रुपयांची कर्जमाफी आणि प्रोत्साहन अनुदानासह ओटीएसचा लाभ मिळाला आहे. जिल्ह्यातील २८ हजार ३८२ शेतकऱ्यांना १०५ कोटी १९ लाख रुपयांची कर्जमाफी मिळाली. तर ८६ हजार २६० शेतकऱ्यांना १३२ कोटी ७५ लाख रुपयांचे प्रोत्साहन अनुदान मिळाले आहे. तीन हजार १७९ ओटीएससाठी २८ कोटी ७८ लाख रुपये मिळाले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Weather Update : अकोला, सोलापुरात हंगामातील उच्चांकी तापमान

Indian Politics : चीनवरून काँग्रेसचा मोदी सरकारवर पुन्हा हल्लाबोल

Accident Insurance Scheme : अपघात विमा योजनेतून ४५० शेतकरी कुटुंबांना मदत

Banana Sunburn : उन्हाच्या तीव्रतेमुळे जळताहेत केळीची रोपे

Summer Heat : मालेगावात वैशाखाआधीच वणवा

SCROLL FOR NEXT