पुणे : नैसर्गिक आपत्ती व अतिवृष्टीमुळे बाधित झालेल्या शेतकऱ्यांच्या पिकांचे पंचनामे त्वरित करावेत. शेतकऱ्यांना तत्काळ नुकसानभरपाई मिळावी, या मागणीसाठी मराठा सेवा संघ संभाजी ब्रिगेड, किसान क्रांती आंदोलनातर्फे शक्रवारी (ता. १४) जिल्हाधिकारी कार्यालयासमोर धरणे आंदोलन करण्यात येणार आहे, अशी माहिती मुख्य समन्वयक शांताराम कुंजीर यांनी पत्रकार परिषदेत दिली. 

अतिवृष्टीमुळे अडचणीत सापडलेल्या शेतकऱ्यांना संपूर्ण कर्जमाफी, वीजबीलमाफी मिळावी, रब्बी हंगामासाठी बियाणे उपलब्ध करून द्यावे, नुकसानग्रस्त शेतकऱ्यांना एकरी पन्नास हजार रुपयांची मदत द्यावी, विम्याची रक्कम शेतकऱ्यांचा खात्यावर जमा करावी, शेतमालाला हमी भाव द्यावा आदी मागण्यांचे निवेदन महाराष्ट्राचे राज्यपाल व मुख्य सचिव यांचा देण्यात येणार असल्याचेच कुंजीर यांनी सांगितले. विशाल तुळवे, प्रदीप कणसे, प्रशांत धुमाळ, अजित कार्ले, जगजीवन काळे, हनुमंतराव मोटे आदी पदाधिकारी उपस्थित होते.