वैजापूर, जि. औरंगाबाद : कोरोना व्हायरसच्या अफवेमुळे पोल्ट्री उद्योग बुडाला आहे. पोल्ट्रीधारकांवर ओढवलेल्या या संकटातून त्यांना सावरण्यासाठी व शेतीपूरक पोल्ट्री उद्योग पुन्हा उभा करण्यासाठी मदतीचा आधार मिळावा म्हणून आमच्या व्यथा शासनदरबारी मांडण्याची हाक पोल्ट्री व्यावसायिकांनी वैजापूर येथील पोल्ट्री व्यावसायिकांच्या सभेत सोमवारी (ता. १६) दिली.  वैजापूर पंचायत समितीच्या सभागृहात सोमवारी झालेल्या या सभेला किसान सभेचे नेते डॉ. अजित नवले, शेतकरी नेते धनंजय धोर्डे यांच्यासह ज्ञानेश्वर पाटील जगताप, दीपक राजपूत, सुचनरन छानवाल, उपसभापती राजेंद्र मगर, बाळासाहेब भोसले, सूरज पवार, दत्तू त्रिभुवन, भागीनाथ मगर, इम्रान भाई, सोमनाथ मगर, वाजेद कुरेशी, गणेश डिके, राजेंद्र डांगे, समाधान जाधव यांच्यासह वैजापूर तालुक्‍यातील, तसेच लगतच्या नगर जिल्ह्यातील पोल्ट्रीधारकांची उपस्थिती होती.  कोरोना व्हायरसच्या अफवेमुळे लोकांनी चिकन खाणे सोडून दिले, त्यामुळे पोल्ट्री उद्योजक शेतकरी अडचणीत आला आहे. बऱ्याच शेतकऱ्यांनी कंपन्यांबरोबर करार केलेला आहे. परंतु कंपन्या शेतकऱ्यांना पैसे देत नाहीत. बॅंकांची सक्‍तीची वसुली सुरू आहे, त्यामुळे त्रस्त झालेल्या पोल्ट्रीधारक शेतकऱ्यांच्या मागण्या शासन दरबारी पोहोचविण्याची व केंद्र सरकारसह राज्य शासनाकडूनही पोल्ट्रीधारकांना मदत देण्याची तरतूद करण्याची मागणी पोल्ट्रीधारकांनी केली आहे. त्यासाठी पक्षविरहित पोल्ट्रीधारक कृती समितीच्या माध्यमातून पाठपुरावा करण्याची अपेक्षाही या सहविचार सभेतून केली गेली.  या मागण्या मांडण्यात आल्या 

प्रतिक्रिया या संकटसमयी राज्यातील सर्व राजकीय पक्षांनी पोल्ट्रीधारकांच्या पाठीशी खंबीरपणे उभे रeहावे. राज्य शासनाने नुकसानग्रस्त पोल्ट्रीधारकांना तत्काळ मदत देण्याची तरतूद करावी.  - धनजंय धोर्डे, शेतकरी नेते