पुणे : कोरोनाचा फैलाव रोखण्यासाठी पुणे कृषी उत्पन्न बाजार समिती ३१ मार्च पर्यंतच्या बंदच्या निर्णयावर अडते आणि कामगार संघटना ठाम राहिल्यानंतर बाजार बंद ठेवण्याची भुमिका बाजार समिती प्रशासनाने घेतली आहे. त्यामुळे ३१ मार्च पर्यंत बाजार बंद राहणार आहे. मात्र या दरम्यान जर बाजार सुरू करण्याची वेळ आली तर अडते आणि कामगार संघटनांनी सहकार्य करावे असे आवाहन बाजार समितीचे प्रशासक बी.जे.देशमुख यांनी केले आहे. रविवार (ता.२९) पर्यंत पुन्हा आढावा बैठक घेऊन बाजार समिती सुरू ठेवण्याबाबत निर्णय घेऊ असेही देशमुख यांनी सांगितले.