नाशिक : महात्मा जोतिराव फुले कर्जमुक्ती योजनेअंतर्गत नाशिक जिल्हा बँकेला ८७० कोटींचा निधी मंजूर करण्यात आला आहे. हा निधी शेतकऱ्यांना पीक कर्जासाठी तात्काळ उपलब्ध करून देण्याचे निर्देश कृषिमंत्री दादा भुसे यांनी दिले. 

नाशिक जिल्हा परिषदेत कृषी आढावा बैठकीत ते बोलत होते. यावेळी जिल्हा परिषद अध्यक्ष बाळासाहेब क्षीरसागर, खासदार डॉ. भारती पवार, आमदार दिलीप बनकर, डॉ. राहुल आहेर, उपाध्यक्ष सयाजीराव गायकवाड,समाज कल्याण समिती सभापती सुशिला मेंगाळ, महिला व बालकल्याण सभापती अश्विनी आहेर, कृषी व पशुसंर्वधन सभापती संजय बनकर, शिक्षण व आरोग्य समिती सभापती सुरेखा दराडे, जिल्हा परिषद मुख्य कार्यकारी अधिकारी लीना बनसोड, जिल्हा अधीक्षक कृषी अधिकारी संजीव पडवळ यांसह कृषी विभागाचे अधिकारी उपस्थित होते. 

मंत्री भुसे म्हणाले की, खरीप पीक हंगामासाठी सध्या पोषक वातावरण असून शेतकऱ्यांना बियाणे, रासायनिक खते व शेती अवाजारे खरेदीसाठी पैशांची आवश्यकता असते. म्हणून शेतकऱ्यांना महात्मा फुले कर्जमुक्ती योजनेअंतर्गत आठवडाभरात निधी उपलब्ध करून, शेतकऱ्यांच्या पीक विमा कर्ज व इतर कर्ज खात्यावर परस्पर जमा न करता त्यांना थेट त्याचा लाभ देण्यात यावा, अशा सूचनाही त्यांनी यावेळी दिल्या. 

यावेळी श्री. भुसे यांनी पशुसंवर्धन अधिकारी यांना सध्या मेंढीवर आढळणाऱ्या लंगड्या आजाराची माहिती घेऊन या रोगाचा प्रार्दूभाव रोखण्यासाठी त्वरीत उपाययोजना राबविण्यास पशुसंवर्धन विभागास सांगितले आहे. 

गैरव्यवहार झाल्यास संबंधित बँकांवर गुन्हे  पीककर्जाचा पुरवठा वेळेत झाल्यास जिल्ह्यातील बँकांची कामगिरी व विश्वासार्हता यातून निदर्शनास येईल. मात्र, यामध्ये कोणताही गैरव्यवहार झाल्यास संबंधित बँकांवर गुन्हे दाखल करुन कडक कारवाई केली जाईल, असेही त्यांनी यावेळी सांगितले. 

कृषी विभागाला केलेल्या सूचना