शहनशहापूर, उत्तर प्रदेश ः अापला देश मोठा दूध उत्पादक देश अाहे. मात्र इतर देशांच्या तुलनेत अापल्या देशातील देशी पशुधनांची दूध उत्पादकता कमी अाहे. त्यासाठी देशी पशुधनांनी भरपूर दूध उत्पादन द्यावे, यासाठी उपाययोजना केल्या जात अाहे. यामुळे शेतकऱ्यांच्या उत्पन्नात वाढ होईल, असे प्रतिपादन पंतप्रधान नरेंद्र मोदी यांनी केले.
पंतप्रधान मोदी यांनी वाराणसी दौऱ्याच्या दुसऱ्या दिवशी शनिवारी (ता.२३) उत्तर प्रदेशातील शहनशहापूर गावाला भेट दिली. या वेळी त्यांनी शेतकऱ्यांना संबोधित केले.
त्यांनी या वेळी पशुधन अारोग्य मेळाव्यालाही भेट दिली. या वेळी त्यांच्याहस्ते शेतकरी कर्जमाफी अाणि घरकुल योजनांचे प्रमाणपत्र लाभधारकांना वितरीत करण्यात अाली.
सरकारकडून पशुपालकांना सुविधा दिल्या जातील. गरीब अाणि मध्यमवर्गीयांचे जीवनमान सुधारणे, हे अामचे ध्येय अाहे. त्यासाठी अनेक योजना सरकारने अाणल्या अाहेत. माझ्यासाठी माझा देश हा माझ्या पक्षापेक्षा मोठा अाहे. मी कधीही व्होट बॅंकेचा विचार केला नाही, असेही पंतप्रधान मोदी या वेळी बोलताना म्हणाले. जीएसटी अाणि अाधारमुळे काळ्या पैशाला अाळा बसला, असा दावा त्यांनी या वेळी केला.