नाशिक : ‘कोरोना’ विषाणूच्या वाढत्या प्रादुर्भावामुळे नाशिक कृषी उत्पन्न बाजार समितीत दैनंदिन भाजीपाला खरेदी-विक्रीसाठी येणारे शेतकरी, व्यापारी, आडते व हमाल, मापारी आणि नागरिक यांची मोठ्या प्रमाणात गर्दी होत असल्याचे निदर्शनास आले आहे. या परिस्थितीत संसर्ग टाळण्यासाठी सोशल डिस्टन्स पाळला जात नसल्याची गंभीर बाब समोर आल्यानंतर बाजार समितीने खबरदारीची उपाययोजना म्हणून किरकोळ शेतमाल विक्री बंद करण्याचा निर्णय घेतला आहे. त्यामुळे बाजार समिती आवारात लिलाव पद्धतीने शेतमालाची विक्री होणार आहे. 

नाशिक कृषी उत्पन्न बाजार समितीच्या दिंडोरी रोडवरील मुख्य आवार व पेठ रोड येथील शरदचंद्र पवार फळ बाजार समितीत भाजीपाल्याचा लिलाव होणार असून किरकोळ विक्रीवर पूर्णपणे बंदी घालण्यात आली आहे. त्यामुळे इतर घटकांना या ठिकाणी मनाई करण्यात आली आहे. बाजार समिती आवारात कोणीही कोणत्याही प्रकारे किरकोळ विक्री करणार नाहीत. जर असा प्रकार बाजार समितीच्या आवारात घडल्यास व्यापारी अथवा संबंधितांवर संचारबंदी सुरू असल्याने कलम १४४ अन्वये कायदेशीर कारवाई करून गुन्हा नोंदविण्यात येईल, असा आदेश बाजार समितीच्या बैठकीत झालेल्या निर्णयाप्रमाणे सचिव अरुण काळे यांनी काढला आहे. 

शेतकऱ्यांना किरकोळ विक्री करावयाची असल्यास त्यांनी फळे व भाजीपाला नाशिक महानगरपालिकेने नाशिक शहरात ४३ ठिकाणी निश्चित केलेल्या बाजारात विक्री करावयाची आहे. 

या आहेत सूचना