नवी दिल्ली : कोरोना संसर्गामुळे लॉकडाउन सुरू असल्याने आपत्कालिन काळात नागरिकांना अडचण येऊ नये यासाठी राष्ट्रीय आपत्ती निवारण व्यवस्थापन (एनडीआरएफ)ने चोवीस तास हेल्पलाइन सुरू केली आहे. मोबाईल आणि सोशल मीडियाच्या माध्यमातून नागरिकांना मदत मागता येणार आहे. हेल्पलाइनचा क्रमांक ९७११०७७३७२ असा आहे. नागरिकांना या नंबरच्या माध्यमातून व्हाटसअप किंवा फोनवरून एनडीआरएफला संपर्क साधणे शक्य होणार आहे. एवढेच नाही तर ट्विटरवर हँडलरवरूनही एनडीआरएफशी मदत घेता येणार आहे. आपत्कालिन काळात स्थानिक प्रशासनाशी समन्वय साधून शक्य तेवढी मदत केली जाईल, असे एनडीआरएफच्या प्रवक्त्याने म्हटले आहे.