परभणी : कृषी निविष्ठा विक्रेत्यांनी विविध मागण्यांसाठी शुक्रवारी (ता.१० ) ते रविवार (ता.१२) या कालावधीत बंद पुकारला आहे. त्यास परभणी, नांदेड, हिंगोली जिल्ह्यात चांगला प्रतिसाद मिळाला. त्यामुळे कृषी निविष्ठा केंद्रे बंद राहिली. 

सोयाबीनच्या निकृष्ट बियाण्यांप्रकरणी विक्रेत्यांवर गुन्हे दाखल करु नयेत, यासह कृषी निविष्ठा विक्रेत्यांच्या शासनाकडे प्रलंबित असलेल्या मागण्यासाठी बियाणे, खते, किटकनाशके विक्रेते संघटनेने बंद पुकारला. या बंदमध्ये शहरी तसेच ग्रामीण भागातील कृषी निविष्ठा विक्रत्यांनी दुकाने बंद ठेवली. या बंदमध्ये त्यांनी उत्स्फुर्तपणे भाग घेतला, असे संघटनेच्या सूत्रांनी सांगितले.

दरम्यान, कृषी निविष्ठ केंद्र बंद असल्यामुळे शेतकऱ्यांना खते, किटकनाशके बियाणे आदी निविष्ठा खरेदी न करता आल्यामुळे मोठी गैरसोय झाली.