पुणे : देशातील शेतकऱ्यांचे उत्पन्न २०२२ पर्यंत दुप्पट करण्याची घोषणा मोदी सरकारने केली आहे. त्यादृष्टीने भरीव काहीही झालेले नसताना, दुसरीकडे देशातील उद्योगपतींच्या संपत्तीत मात्र दुपटीहून अधिक वाढ झाल्याचे चित्र पुढे आले आहे. उद्योगपती मुकेश अंबानी आणि गौतम अदानी यांच्या संपत्तीत एकाच वर्षात (२०१७ मध्ये) दुपटीहून अधिक (१२५ टक्के) वाढ झाली आहे.   एका व्यवसायविषयक वेबसाइटने दिलेल्या वृत्तानुसार अदानी ग्रुपचे संस्थापक असलेले गौतम अदानी यांची जानेवारी २०१७  मध्ये ४.६३ अब्ज डॉलर संपत्ती होती. ती डिसेंबर २०१७ अखेर १०.४ अब्ज डॉलरवर पोचली आहे. त्यांच्या संपत्तीमध्ये वर्षभरात १२४.६ टक्‍क्‍यांनी वाढ झाली आहे. डी-मार्टचे मालक राधाकृष्णन दमाणी हे दुसऱ्या क्रमांकावर आहेत. मार्च २०१७ मध्ये ३.८८ अब्ज डॉलर असलेली त्यांची संपत्ती डिसेंबर २०१७ अखेर ६.९६ अब्ज डॉलरवर पोचली आहे. 

मुकेश अंबानी यांची जानेवारी २०१७ मध्ये २२.७० अब्ज डॉलर इतकी संपत्ती होती. त्यामध्ये ७७.५३ टक्‍क्‍यांनी वाढ होऊन डिसेंबर २०१७ अखेर ती ४०.३० अब्ज डॉलरपर्यंत पोचली. याचबरोबर मुकेश अंबानी हे जागतिक श्रीमंतांच्या यादीत २०व्या क्रमांकावर आले आहेत. पालनजी मेस्त्री, सायरस पूनावाला आणि शिव नाडर यांच्या संपत्तीमध्येही अनुक्रमे २७.०१, १६.५० आणि १५.८३ टक्‍क्‍यांनी वाढ झाली आहे.   

भारतीय उद्योगपतींच्या संपत्तीमधील वाढ (टक्‍क्‍यांमध्ये)

---- जागतिक पातळीवरील उद्योजकांची सांपत्तिक स्थिती नाव--- जानेवारी 2017 --- डिसेंबर 2017 --- टक्के जेफ बेझोस--- 65--- 99--- 52 बिल गेटस--- ...--- 91.8--- 12 वॉरन बफे--- ...--- 1785.3--- 17 (संपत्ती : अब्ज डॉलरमध्ये)