जळगाव ः खानदेशात सुमारे २६ लाख क्विंटल कापसाची शासकीय खरेदी विविध केंद्रांमध्ये झाली आहे. गेल्या आठवड्यात खरेदी रखडत झाली. त्यामुळे आवक कमी झाली असून, एका केंद्रात रोज फक्त दोन ते अडीच हजार क्विंटल कापसाची खरेदी किंवा आवक झाली आहे.  डिसेंबरच्या मध्यापर्यंत कापसाची आवक सर्वच केंद्रांमध्ये वेगात सुरू होती. कापूस महामंडळ (सीसीआय), पणन महासंघाची खरेदी जळगाव, धुळे व नंदुरबारात सुरू आहे. गेल्या महिन्याच्या पहिल्या पंधरवड्यात प्रतिदिन सरासरी चार हजार क्विंटल कापसाची आवक एका केंद्रात झाली. चोपडा (जि.जळगाव) येथील एका खरेदी केंद्रातील कापसाला आग लागली होती. यामुळे ‘सीसीआय’ने एका केंद्रात रोज फक्त अडीच हजार क्विंटल कापसाची खरेदी करा, खरेदी केंद्रात कापसाचे ढीग तयार होवू देवू नका, खरेदीनंतर प्रक्रियेला वेग द्यावा आणि कापूस गाठी, सरकीचा साठा व्यवस्थित, सुरक्षित करावा, अशा सूचना दिल्या होत्या. यातच खरेदी करताना दुय्यम दर्जाच्या कापसाचा दर देण्यास ‘सीसीआय’ने सुरवात केली. डिसेंबरच्या दुसऱ्या पंधरवड्यानंतर खानदेशात विविध केंद्रांमध्ये सुमारे चार लाख क्विंटल कापसाची खरेदी झाल्याची माहिती सूत्रांनी दिली. पुढे ‘सीसीआय’कडील आवक आणखी कमी होईल, अशी स्थिती आहे.

यामुळे खरेदी केंद्रांकडे पाठ