राजगुरुनगर, जि. पुणे : बैलगाडा शर्यत बंदीविरोधात सर्वोच्च न्यायालयात प्रलंबित असलेल्या याचिकेची तातडीने सुनावणी व्हावी, यासाठी महाराष्ट्र शासनाने याचिका दाखल केली असून, त्याची सुनावणी सोमवारी (ता. १५) होणार असल्याची माहिती माजी खासदार शिवाजीराव आढळराव पाटील यांनी दिली. 

काही दिवसांपूर्वी वडगाव काशिंबेग येथे बैलगाडा शर्यती भरविल्यामुळे आयोजकांवर व बैलगाडा मालकांवर गुन्हे दाखल करण्यात आले. राज्य शासनाने वकील ॲड. सचिन पाटील यांना सर्वोच्च न्यायालयात स्वतंत्र याचिका दाखल करण्याच्या सूचना दिल्या आहेत. महाविकास आघाडी सरकारने घेतलेल्या या निर्णयाचे मी सहर्ष स्‍वागत करतो. राज्य शासनाच्या याचिकेवर सोमवारी सुनावणी होणार असून, मी व्यक्तिशः याबाबत लक्ष घालत आहे. सरकारच्या प्रयत्नांना यश मिळेल आणि बैलगाडा शर्यती लवकर सुरू होतील, असे आढळराव पाटील म्हणाले.