नांदेड :जिल्ह्यात चालू आठवड्यामध्ये रब्बी हंगामातील पेरणीने गती घेतली आहे. बुधवार (ता.२७) पर्यंत एकूण ५१ हजार ६६५ हेक्टरवर (३७.७९ टक्के) पेरणी झाली आहे. जिल्ह्यातील पेरणी क्षेत्रामध्ये ४५ हजार ११७ हेक्टरवरील हरभऱ्याचा समावेश आहे, अशी माहिती कृषी विभागाच्या सूत्रांनी दिली.

जिल्ह्यात रब्बीचे सर्वसाधारण क्षेत्र १ लाख ३६ हजार ७१२ हेक्टर आहे. यामध्ये ज्वारीचे २६ हजार ९७५ हेक्टर, गव्हाचे ३८ हजार ५३८ हेक्टर, मक्याचे ३ हजार १७६ हेक्टर, हरभऱ्याचे ६२ हजार ३५९ हेक्टर, करडईचे ४ हजार ७६८ हेक्टर क्षेत्र आहे.

यंदा ऑक्टोबर महिन्यातील मॉन्सूनोत्तर पावसामुळे खरिपाची सुगी रखडली. तणकटाची वाढ झाल्यामुळे पेरणीसाठी जमीन तयार करण्यास वेळ लागत आहे. त्यामुळे पेरणीसाठी विलंब होत आहे. यंदा हरभऱ्याच्या क्षेत्रात वाढ होण्याची शक्यता आहे. जिल्ह्यात आजवर ४५ हजार ११७ हेक्टरवर (७२.३५ टक्के) पेरणी झाली असल्याचे सूत्रांनी सांगितले.

बुधवार (ता. २७) पर्यंतचे पेरणी क्षेत्र (हेक्टरमध्ये)