मुंबई : मुंबईत मंत्रालयातील चौथ्या मजल्यावर सोमवारी (ता. ३०) रात्री आग लागली. ही आग अग्निशमन दलाच्या कर्मचाऱ्यांनी आटोक्यात आणली. सात मजली असलेल्या या इमारतीच्या चौथ्या मजल्यावर ही आग लागली होती.

आगीच्या घटनेची माहिती मिळताच घटनास्थळावर अग्निशामक दलाच्या पाच गाड्या दाखल झाल्या. रात्री ९च्या सुमारास ही आग लागली होती. आगीचे कारण अद्याप अस्पष्ट आहे.

चौथ्या मजल्यावरील आरोग्य मंत्री राजेश टोपे यांच्या कार्यालयाशेजारी असेलेल्या कार्यालयाला ही आग लागली होती. याची माहिती मुंबई अग्निशमन दलाकडून देण्यात आली. याआधीही मंत्रालयाला आग लागली होती. २०१२ च्या जून महिन्यात मंत्रालयाला भीषण आग लागली होती. आतापर्यंत मंत्रालयात लागलेली ही सर्वात मोठी आग होती.