बुलडाणा  ः ‘‘राज्यात खरीप हंगामात ‘प्रधानमंत्री’ अन्नदाता आय संरक्षण योजनेंतर्गत किमान आधारभूत हमी भावाने तूर खरेदी केली जात आहे. याचा शेतकऱ्यांनी फायदा घ्यावा,’’ असे आवाहन खामगावचे आमदार आकाश फुंडकर यांनी केले. खामगाव कृषी उत्पन्न बाजार समितीमध्ये शुक्रवारी (ता.सात) तूर खरेदीस सुरुवात झाली. या प्रसंगी ते बोलत होते.  याप्रसंगी खरेदी विक्री संघाचे अध्यक्ष बाबूराव लोखंडकार, कृषी उत्पन्न बाजार समितीचे संचालक दिलीप पाटील, भाजप तालुकाध्यक्ष सुरेश गव्हाळ, महेंद्र रोहणकार, मनोहरसिंग बोदडे, दत्ता पाटील, कृषी उत्पन्न बाजार समितीचे सचिव मुकूटराव भिसे, मोरेश्वर पाटील, विदर्भ मार्केटिंग फेडरेशनचे संदीप पेठकर, अशोक डोंगरदिवे, सांरगधर भिसे, संभा तासतोडे यांची उपस्थिती होती.