कोल्हापूर : शेतकरीविरोधी कायदे मागे घ्यावेत, हमीभाव कायदा करावा, यासह अन्य मागण्यांसाठी संयुक्त शेतकरी कामगार मोर्चा तर्फे २७ सप्टेंबरला पुकारलेले ‘भारत बंद’ यशस्वी करण्याचे आवाहन शेतकरी कामगार पक्षाच्या बैठकीत करण्यात आले. माजी आमदार संपतराव पवार म्हणाले, ‘‘शेतकरी व सर्वसामान्य जनता व प्रश्‍नावर आंदोलन होत आहे. सर्व घटकांचा आंदोलनात सहभाग वाढावा यासाठी तालुकावार मेळावा घेऊन ‘बंद’ची भूमिका पटवून देत आहोत.’’ नामदेव गावडे म्हणाले, की मोदी सरकारच्या काळात उद्योजक धार्जिणी धोरणे राबवली यातून उद्योजकांचे भले होत आहे. २७ सप्टेंबरला बिंदू चौकातून सकाळी ११ वाजता मोटरसायकल रॅली काढून व्यवहार बंद ठेवण्याचे आवाहन करण्यात येईल. तसेच तालुक्यातही बंदचे आवाहन करण्याचे  बैठकीत ठरविण्यात आले. बैठकीत प्रा. जालंदर पाटील, चंद्रकांत यादव, दिलीप पवार वसंतराव पाटील रवी जाधव आदी सहकार्यकर्ते उपस्थित होते.