नांदेड : सोयाबीनचे दर ११ हजारांवरून पाच हजार रुपये क्विंटलपर्यंत खाली आल्याने राज्यातील शेतकरी पुत्रांनी याकडे केंद्र, तसेच राज्य सरकारचे लक्ष वेधण्यासाठी #सोयाबीन हा ट्रेंड गुरुवारी (ता. २३) सायंकाळी ६ ते रात्री ९ या वेळेत चालविण्यात आला. यामध्ये हजारो शेतकरी पुत्रांनी सहभाग घेत या गंभीर प्रश्‍नाकडे लक्ष्य देण्याची मागणी केली.

शेतकऱ्यांचे सोयाबीन बाजारात येण्यापूर्वी १० ते ११ हजार रुपये प्रतिक्विंटल दर मिळत होता. तशा पावत्या समाजमाध्यमातून फिरत होत्या. परंतु नव्या सोयाबीनची आवक सुरू होताच दर कमी मिळत असून शेतकऱ्यांमधून संताप व्यक्त केला जात आहे. त्यामुळे समाजमाध्यमांवर हा ट्रेंड केला जात आहे.

दर किमान ३००० रुपये गुरुवारी (ता. २३) राज्यातील विविध बाजार समित्यांमध्ये सोयाबीनला प्रतिक्विंटल किमान ३००० रुपये, तर कमाल ६७०० रुपये दर मिळाला. अकोल्यात ४५०० ते ५५०० रुपये, जालन्यात ४७०० ते ५७०० रुपये, हिंगोली ५५०० ते ६४०० रुपये दर मिळाला.