परभणी : येथील पाथरी रस्त्यावरील फळे भाजीपाला मार्केटमध्ये शुक्रवारी (ता. ३०) दोडक्याची ४० क्विंटल आवक झाली. त्यांना प्रतिक्विंटल १००० ते १५०० रुपयांचे दर मिळाले, अशी माहिती मार्केटमधील सूत्रांनी दिली.

पालेभाज्यांमध्ये मेथीच्या ३५ हजार जुड्यांची आवक झाली. त्यांना प्रतिशेकडा ४०० ते ८०० रुपये दर मिळाले. पालकाची १००० क्विंटल आवक होऊन प्रतिक्विंटल १५०० ते २५०० रुपये दर मिळाले. शेपूची २० क्विंटल आवक झाली. त्यांना प्रतिक्विंटल १२०० ते २००० रुपये दर मिळाले. चुक्याची ७ क्विंटल आवक, तर दर प्रतिक्विंटल ५०० ते १००० रुपये, कोथिंबिरीची १०० क्विंटल आवक, तर दर १५०० ते ३००० रुपये राहिले. वेलवर्गीय भाज्यांमध्ये कारल्याची ४० क्विंटल आवक झाली. त्यांना प्रतिक्विंटल ८०० ते १५०० रुपये दर मिळाले. दुधी भोपळ्याची ३५ क्विंटल आवक होऊन प्रतिक्विंटल ४०० ते ८०० रुपये दर मिळाले.

काकडीची १२५ क्विंटल आवक झाली. तिला प्रतिक्विंटल ३०० ते ५०० रुपये दर मिळाले. गोल भोपळ्याची (देवडांगर) ७० क्विंटल आवक होऊन प्रतिक्विंटल ८०० ते १५०० रुपये दर मिळाले. शेंगवर्गीय भाज्यांमध्ये गवारीची ५० क्विंटल आवक झाली. तिला प्रतिक्विंटल १५०० ते ४००० रुपये दर मिळाले. चवळीची ३ क्विंटल आवक, तर प्रतिक्विंटल २००० ते ३५०० रुपये, शेवग्याची ५ क्विंटल आवक, तर दर २००० ते ३००० रुपये मिळाले. वांग्याची ४५ क्विंटल आवक झाली. त्यांना प्रतिक्विंटल २००० ते ३५०० रुपये दर मिळाले. टोमॅटोची ९०० क्रेट आवक होऊन प्रतिक्रेट १८० ते २५० रुपये रुपये दर मिळाले. 

हिरव्या मिरचीची १२५ क्विंटल आवक झाली. तिला प्रतिक्विंटल १००० ते २००० रुपये दर मिळाले. ढोबळ्या मिरचीची ७ क्विंटल आवक होऊन प्रतिक्विंटल १५०० ते २५०० रुपये दर मिळाले. फ्लॅावरची ३० क्विंटल आवक झाली. त्याला प्रतिक्विंटल १५०० ते ३५०० रुपये दर मिळाले. कोबीची ३० क्विंटल आवक झाली. तिला प्रतिक्विंटल १२०० ते २००० रुपये मिळाले.

भेंडीची ४० क्विंटल आवक झाली. तिला प्रतिक्विंटल १००० ते १५०० रुपये दर मिळाले. कंदवर्गीय भाज्यामध्ये बीट रुटची ३ क्विंटल आवक, तर दर १५०० ते २००० रुपये मिळाले. मुळ्याची ५ हजार नग आवक झाली. त्यांना प्रतिशेकडा ४०० ते ६०० रुपये दर मिळाले. लिंबांची २५ क्विंटल आवक झाली. त्यांना प्रतिक्विंटल २५०० ते ३५०० रुपये मिळाले.