वेंगुर्ले, जि. सिंधुदुर्ग ः आंब्याच्या जागतिक उत्पादनामध्ये भारताचा वाटा सध्याच्या घडीला ४० टक्‍क्‍यांच्या जवळपास आहे. परंतु बागायतदाराने शास्त्रशुद्ध पद्धतीने शेती करून बागेचे योग्य व्यवस्थापन राखल्यास भारताचा जागतिक स्तरावरील उत्पन्नाचा वाटा वाढून तो पन्नास टक्क्याच्या पुढे जाऊ शकेल, असा आशावाद डॉ. पिग लू व डॉ. झोरा सिग या परदेशी  शास्त्रज्ञांनी व्यक्त केले. येथे सुरू असलेल्या आंतरराष्ट्रीय आंबा परिषदेत सहभागी झालेल्या परदेशी शास्त्रज्ञांनी येथील प्रगतशील शेतकरी यशवंत ऊर्फ दाजी परब यांच्या रामघाट रोडनजीकच्या आंबा बागेला भेट देऊन हापूस व केशर कलमांसह आंब्याची प्रत्यक्ष पाहणी केली. या वेळी परब यांनी आंबा फळांची काढणी, पॅकेजिंग, खतांच्या मात्रा, पीक संरक्षणाच्या उपाययोजना याबाबत परदेशी शास्त्रज्ञांना माहिती दिली. या भेटीवेळी स्पेन कॅनरी आयलॅड कृषी संशोधन संस्थेचे शास्त्रज्ञ डॉ. व्हिक्‍टर गॅलन, चार्ल्स डार्विन विद्यापिठ ऑस्ट्रेलियाचे प्रमुख शास्त्रज्ञ डॉ. पिग लू, चियांग माई विद्यापीठ थायलंडच्या डॉ. दारुनी नेफॉन, ऑस्ट्रेलियाचे प्रमुख कृषी शास्त्रज्ञ डॉ. झोरा सिग, वेंगुर्ले संशोधन केंद्राचे विस्तार शिक्षण शास्त्रज्ञ डॉ. बी. एन. सावंत, महेश शेडगे, डॉ. ए. वाय. मुंज उपस्थित होते.    दृष्टिक्षेपात परिषद