औरंगाबाद : जलसंधारण आयुक्तपदाचा कार्यभार ४ जानेवारीला मुंबईत स्वीकारल्यानंतर सोमवारी (ता.८) दीपक सिंगला यांनी औरंगाबादच्या जल आणि भूमिव्यवस्थापन संस्थेच्या (वाल्मी) महासंचालकपदाचीही सूत्रे स्वीकारली.

शासनाने नुकतीच भारतीय प्रशासकीय सेवेतील अधिकारी दीपक सिंगला यांची वाल्मीच्या महासंचालकपदी नियुक्ती केली. वाल्मीच्या प्रशासकीय अधिकारी श्रीमती निधी गजबे यांनी पुष्पगुच्छ देऊन त्यांचे स्वागत केले. सन २०१२ च्या बॅचचे आयएएस असलेले श्री. सिंगला मुळ हरियानाचे रहिवासी असून त्यांनी सीए पदवी संपादन केली आहे. भारतीय प्रशासकीय सेवेत येण्यापूर्वी ते  कंपनीत असिस्टंट मॅनेजर म्हणून कार्यरत होते.

अत्यंत हुशार आणि दूरदृष्टी असलेले श्री. सिंगला यांनी दीड वर्ष यवतमाळ जिल्ह्यातील उमरखेड येथे उपविभागीय अधिकारी आणि दीड वर्ष यवतमाळ जिल्हा परिषद मुख्य कार्यकारी अधिकारी म्हणून काम केले आहे. महासंचालक म्हणून काम करताना संस्थेतील पायाभूत सुविधांचे बळकटीकरण करण्यावर भर देऊन इतर विभागांच्या प्रशिक्षणांसाठी या सुविधांचा व्यावसायिकदृष्ट्या वापर करण्यासाठी प्रयत्न केले जातील, असे ते म्हणाले.