औरंगाबाद  : मराठवाड्यातील सर्वच जिल्ह्यांत काही मंडळांचा अपवाद वगळता पावसाचा जोर कमी झाला आहे. शनिवारी (ता. ४) सकाळपर्यंतच्या चोवीस तासांत जिल्ह्यातील कन्नड व हरसूल या दोन मंडळांत अतिवृष्टी झाली. त्याशिवाय बहुतांश मंडळांत तुरळक ते हलक्‍या स्वरूपाचा पाऊस झाला. काही मंडळांत मध्यम पावसाने हजेरी लावली.

औरंगाबाद जिल्ह्यातील ५० मंडळांत पावसाची तुरळक ते हलक्‍या स्वरूपाची हजेरी लागली. काही मंडळांत मध्यम पाऊस झाला. तर, कन्नड व हरसूल मंडळांत अतिवृष्टीची नोंद झाली. जालना जिल्ह्यातील २९ मंडळांत तुरळक, हलका मध्यम पाऊस झाला. परभणी जिल्ह्यातील २१ मंडळात झालेला पाऊस एक मंडळांतील मध्यम वगळता तुरळक ते हलक्‍या स्वरूपाचा होता. 

हिंगोली जिल्ह्यातील १६ मंडळांत झालेला पाऊस तुरळक ते हलक्‍या स्वरूपाचा होता. नांदेड जिल्ह्यातील ५२ मंडळांत पावसाची हजेरी लागली. परंतु, नऊ मंडळांचा अपवाद वगळता सर्वच मंडळांत तुरळक, हलका पाऊस नोंदला गेला. बीड जिल्ह्यातील ४४ मंडळांत, लातूर जिल्ह्यातील ३३ मंडळांत तुरळक, हलका पाऊस झाला. दोन मंडळांत मध्यम पावसाची हजेरी लागली. उस्मानाबाद जिल्ह्यातील नऊ मंडळांत तुरळक पावसाची नोंद झाली.  

जिल्हानिहाय पावसाची मंडळे    (पाऊस मि.मी)

औरंगाबाद जिल्हा ः सिल्लोड २२.८, चिकलठाणा २६.५. जालना जिल्हा ः अनवा ३४, जालना शहर २१.३, विरेगाव ५०, अंबड २२.८, धनगर पिंपरी २१.३, श्रीष्टी ४६.५, घनसावंगी ५६.८,  कुंभार पिंपळगाव २४.६, रांजणी २२.८, जांबसमर्थ ४२.८. परभणी जिल्हा ः जांब २९.३. नांदेड जिल्हा ः लिंबगाव ४५.८, सगरोळी २७.८, किनवट ६०, इस्लामपूर २१, जलधारा २१, देहली २१, सरसम ३५.१, जवळगाव ५२.३, नरसी २०, बीड जिल्हा ः विडा ३३.५, बर्दापूर २३.३, लोखंडी ६१.५, तलवाडा ५६.८. लातूर जिल्हा ः झरी २२.३, हलगरा ३५.५.

अतिवृष्टीची मंडळे (पाऊस मि.मी)