परभणी ः शासकीय दूध योजनेअंतर्गत दूध खरेदीच्या दरामध्ये कपात करण्याबाबतचा शासन निर्णय स्वाभिमानी शेतकरी संघटनेकडून बुधवारी (ता. ३१) परभणी येथे जाळण्यात आला.

दुष्काळामुळे शेती पिकांचे उत्पादन मिळत नसल्यामुळे शेतकरी दूध व्यवसायाकडे वळले आहेत. परंतु शासनाने म्हैस आणि गायीच्या दुधामागे प्रतिलिटर २ रुपयांची कपात केली आहे.

यंदा मराठवाड्यामध्ये दुष्काळामुळे असून चारा, वैरण महाग झाल्यामुळे खर्च वाढत चालला आहे. त्यामुळे दूध दर कपातीबाबतचा २७ सप्टेंबर रोजीचा शासन निर्णय रद्द करण्यात यावा, या मागणीसाठी स्वाभिमानी शेतकरी संघटनेचे जिल्हाध्यक्ष किशोर ढगे, भास्कर खटिंग, रामभाऊ आवरगंड, रामप्रसाद गमे, डिंगांबर पवार, केशव आरमळ, दिलीप गरुड, बाळासाहेब ढगे, गजानन गरुड, मुंजाजी लोडे, माणिकराव रेंगे, संदीप कदम, मुंजाजी कदम, दिनकर साबळे, भागवत वाघ, केशव माने, ज्ञानेश्वर भालेराव, पांडुरंग तायनात, जयराम गिराम, बालाजी वाघ, सतिश देशमुख, कृष्णा घाडगे, अंकुश शिंदे, दिलीप गरुड आदींनी शासननिर्णय जाळला.