परभणी ः जिल्ह्यात अतिवृष्टीमुळे बाधित झालेल्या पिकांची पाहणी करून शेतकऱ्यांना तात्काळ नुकसान भरपाई देण्यात यावी, अशी मागणी स्वाभिमानी शेतकरी संघटनेतर्फे जिल्हाधिकारी पी. शिवशंकर यांच्याकडे करण्यात आली आहे. 

गेल्या तीन, चार दिवसांमध्ये जिल्ह्यातील अनेक तालुक्यांत अवेळी, ऐन सुगीमध्ये अतिवृष्टी झाल्यामुळे हाताशी आलेल्या, काढणी केलेल्या तसेच मळणी सुरू असताना सोयाबीन पिकाचे अतोनात नुकसान झाले आहे. यंदा सोयाबीनचे पीक चांगले आलेले असताना दिवाळी सण आनंदात साजरा करता येईल, अशी शेतकऱ्यांना आशा होती. परंतु पावसामुळे मोठे नुकसान झाल्यामुळे अनेक शेतकरी आर्थिक विवंचनेत आहेत. अनेक शेतकऱ्यांनी सोयाबीनसाठी पीकविमा संरक्षण घेतेललेले नाही. पीक विमा योजनेत सहभागी झालेल्या शेतकऱ्यांना विमा कंपनीने नुकसान भरपाई देणे आवश्यक आहे. 

पीक नुकसानीचे पंचनामे करुन शेतकऱ्यांना तत्काळ नुकसान भरपाई देण्यात यावी, अशी मागणी स्वाभिमानी शेतकरी संघटनेचे जिल्हाध्यक्ष किशोर ढगे, भास्कर खंटीग, मुंजाभाऊ लोडे, केशव आरमळ, रामभाऊ आवरगंड, उस्मान पठाण, धोंडीराम खटींग, राजेभाऊ खुळे, संतोष पोते, दिंगबर पवार, एस. आर. शिंदे, प्रदीप कुलकर्णी, अशोक खुळे, पांडुरंग खुळे, विक्रम मोरे, विष्णू खुळे, भास्कर खुळे, गंगाधर खुळे, पांडुरंग खुळे, आश्रोबा नेमाडे, मारोती रणेर आदींनी जिल्हाधिकारी पी. शिवशंकर यांना दिलेल्या निवेदनाद्वारे केली आहे. 

हवामान विभागाचा केला निषेध  हवामान विभागाने मोसमी वारे परत गेल्याचे आठ दिवसांपूर्वी जाहीर केले होते. चुकीचा अंदाज व्यक्त करणाऱ्या हवामान विभागाचा निषेध करण्यात आला.