अकोला ः सध्या उद्भवलेल्या परिस्थितीत कोरोना विरुद्धची लढाई अधिक सक्षमपणे लढताना विविध उपाययोजना करता याव्यात यासाठी अकोला कृषी महाविद्यालयात सन २००९ ते २०१३ या काळात शिक्षण घेतलेल्या माजी विद्यार्थ्यांनी एकत्र येत मुख्यमंत्री सहायता निधीला मदत केली आहे. 

डॉ. पंजाबराव देशमुख कृषी विद्यापीठाअंतर्गत असलेल्या कृषी महाविद्यालयात उपरोक्त काळात शिक्षण घेतलेल्या या माजी विद्यार्थ्यांनी मदतीचे आवाहन करीत २८ हजार ५०० रुपये निधी गोळा केला. हा निधी शासनाच्या खात्यात जमा करण्यात आला. 

यासाठी वैभव सरदार, गणेश अंभोरे, आकाश देशमुख, नम्रता टाले, राम भवाने, सीमा पांडे, अमोल जाधव, प्रतीक बोबडे, अश्विनी निखाडे, प्रीती घोंगे, संतोष ठाकरे, अक्षय देशमुख, सुहास झोड, विठ्ठल इंगोले, पुरुषोत्तम कहारत, रवी परिहार, गौरव गावंडे, सतिश अनमुलवाड, हेमेश्वरी, गुंटी विनोद कुमार, अनंता देशमुख, विजय गोमासे, देवानंद नागरे, मनोज ठाकरे, अनिकेत देशमुख, विवेक गवई, मेघा खांबलकर, महेश काकड, भारत चौधरी, मयुरी साबळे, जान्हवी राहने, वैशाली सपकाळ, सागर काळपांडे, संदीप महाले, शिवाजी अंभोरे, निलेश डोईफोडे, सुरज चांदूरकर आदी विद्यार्थ्यांनी सहभाग दिला.