औरंगाबाद : सतत कुठल्या ना कुठल्या संकटांचा सामना करणाऱ्या मराठवाड्यावर यंदाही दुष्काळाचे संकट आले आहे. दुष्काळ निवारणासाठी केंद्राची मदत मिळावी, यासाठी बुधवार (ता. ५) पासून केंद्रीय पथक मराठवाड्याच्या पाहणी दौऱ्यावर येत आहे.     विभागातील ४४ तालुके गंभीर, तर तीन तालुके मध्यम स्वरूपाचा दुष्काळ असल्याचे जाहीर झालेले आहेत. यापैकी निवडक ठिकाणी भेट देऊन नुकसानीचा आढावा हे पथक घेईल. विभागातील ७६ तालुक्‍यांतील ४२१ पैकी ३४० मंडळांत दुष्काळ घोषित झालेला आहे.