dada bhuse
dada bhuse  
मुख्य बातम्या

खत तुटवडा प्रश्नी कृषिमंत्र्यांच्या दणक्यानंतर यंत्रणेला आली जाग

टीम अॅग्रोवन

औरंगाबाद : राज्याचे कृषी मंत्री दादा भुसे यांच्या औरंगाबाद मधील रविवारच्या (ता. २१) अचानक भेटीनंतर कृषी विभाग खडबडून जागा झाला आहे. जिल्ह्यातील सर्व तालुकास्तर व जिल्हास्तरावरील भरारी पथकांना सतर्कतेच्या सूचना देण्यात आल्या आहेत. कृषिमंत्र्याच्या भेटीतील संबंधित दुकानाचा परवाना निलंबित करण्यासोबतच जिल्ह्यातील प्रत्येक कृषी निविष्ठा विक्री केंद्रांवर योग्य दरात निविष्ठांची विक्री होती की नाही, सोबतच साठा किती उपलब्ध याची माहिती सातत्याने घेण्याचे सूचित करण्यात आल्याचे कृषी विभागाकडून सांगण्यात आले. 

शेतकऱ्यांना खते, बियाणे मिळताहेत की नाही हे पाहण्यासाठी राज्याचे कृषिमंत्री दादा भुसे अचानक रविवारी स्वत: शेतकरी बनून औरंगाबाद येथील बाजार समितीच्या आवारातील नवभारत फर्टीलायझर्स या दुकानात गेले. खते शिल्लक असतानाही दुकानदाराने देण्यास नकार दिल्यानंतर कृषिमंत्र्यांनी जिल्हा कृषी अधीक्षकांमार्फत त्या दुकानाचा आणि गोदामाचा पंचनामा केला. त्यात युरियाच्या गोण्या शिल्लक असल्याचे आढळून आल्याने दुकानदारावर कारवाईचे निर्देश दिले. सोबतच औरंगाबाद येथील कृषी विभागाच्या गुणवत्ता नियंत्रण अधिकाऱ्यांना सक्तीच्या रजेवर पाठविण्याचे निर्देशही कृषिमंत्र्यांनी दिले होते. या घटनेने सगळीकडेच चांगलीच खळबळ उडाली होती. 

रविवारच्या सर्व घटनाक्रमानंतर संबंधित दुकानाचा परवाना निलंबित करण्यात आल्याची माहिती जिल्हा अधीक्षक कृषी अधिकारी डॉ. तुकाराम मोटे व जिल्हा परिषदेचे कृषी विकास अधिकारी आनंद गंजेवार यांनी दिली. जिल्ह्यातील नऊ तालुक्यातील भरारी पथकासह जिल्हास्तरीय पथकाला सतर्कतेच्या सूचना देण्यात आल्या आहेत. प्रत्येक कृषी निविष्ठा विक्री केंद्रावर निविष्ठांची योग्य दरात विक्री होते की नाही, याची गुप्त चाचपणी करण्याची तसेच प्रत्येक निविष्ठा केंद्रांवर खत बियाणे उपलब्धता स्थिती नेमकी काय याविषयीची माहिती सातत्याने घेत राहण्याच्या सूचना देण्यात आल्याचे जिल्हा परिषदेचे कृषी विकास अधिकारी श्री गंजेवार यांनी सांगितले.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Fire In MP Forest : धुमसणाऱ्या उत्तरराखंडमुळे मध्यप्रदेश अलर्ट; थेट कारवाई करण्याचे संकेत

Uttarakhand Forest Fire : धुमस्ते उत्तराखंड!; नैनितालनंतर गढवालपासून कुमाऊंपर्यंत जंगलात ४० ठिकाणी वणवा

Dairy Record Keepnig : दुग्धव्यवसायात नोंदी ठेवण्याचे फायदे

Maharudra Mangnale : निव्वळ कोरडवाहू शेती ही शेती नाहीच! 

Indrjeet Bhalerao : तांदूळवाडी ते मेरठ : एका प्रज्ञेचा प्रवास

SCROLL FOR NEXT