परभणी ः मांडाखळी (ता. परभणी) येथील आम्ही शेतकरी अॅग्रो प्रोड्यूसर कंपनीने खरेदी केलेल्या ९०० क्विंटल सोयाबीनवर प्रतिक्विंटल ५० रुपये या प्रमाणे शेतकऱ्यांना बोनसचे बुधवारी (ता.३) वाटप केले.  या वेळी कृषी तंत्रज्ञान व्यवस्थापन यंत्रणाचे (आत्मा) प्रकल्प उपसंचालक खंडेराव सराफ, तालुका कृषी अधिकारी प्रभाकर बनसावडे, कृषी विज्ञान केंद्राचे वरिष्ठ शास्त्रज्ञ डॉ. प्रशांत भोसले, आम्ही शेतकरी अॅग्रो प्रोड्यूसर कंपनीचे प्रणेते प्रा. किरण सोनटक्के, सरपंच नागेश सिराळ, उपसरपंच शेख मौसीन उपस्थित होते. प्रा. सोनटक्के म्हणाले, की कंपनीच्या माध्यमातून येणाऱ्या काळात गावातील शेतकऱ्यांच्या प्रगतीसाठी विविध योजना राबविणार आहोत. यावेळी प्रातिनिधिक स्वरुपात राजुसिंह ठाकूर, नरेंद्रसिंह ठाकूर, ज्ञानेश्वर रोडगे, गजानन जनकवार, कारभारी कणे यांना सोयाबीन खरेदीचे बोनस वाटप करण्यात आले. 

सूत्रसंचालन प्रवीण सोनटक्के यांनी तर आभार शिवशंकर डोळसे यांनी मानले. यावेळी कंपनीचे सदस्य उमाजी घुंगरे, कल्याण सिराळ, नंदकुमार सोनटक्के, बाळासाहेब राऊत, महादेव राऊत, अर्जुन कणे, गंगाराम डोळसे, शंकर शिराळ यांच्यासह अन्य उपस्थित होते.