बेलावे : शेळी दूध व दुग्धजन्य पदार्थ प्रक्रिया केंद्राचे उद्‍घाटन करताना कुलगुरू डॉ. के. पी. विश्वनाथा.
बेलावे : शेळी दूध व दुग्धजन्य पदार्थ प्रक्रिया केंद्राचे उद्‍घाटन करताना कुलगुरू डॉ. के. पी. विश्वनाथा. 
मुख्य बातम्या

आशियातील पहिल्या शेळी दूध, दुग्धजन्य पदार्थ प्रक्रिया केंद्रास प्रारंभ

टीम अॅग्रोवन

नाशिक : सिन्नर तालुक्यातील बेलावे शिवारात युवा मित्र संस्था सिन्नर, सावित्रीबाई फुले प्रोड्यूसर कंपनी लि., एच. टी. पारेख फाउंडेशन मुंबई व महात्मा फुले कृषी विद्यापीठ राहुरी यांच्या संयुक्त विद्यमाने आशिया खंडातील पहिल्या शेळी दूध व दुग्धजन्य पदार्थ प्रक्रिया केंद्राचे उद्‍घाटन महात्मा फुले कृषी विद्यापीठाचे कुलगुरू डॉ. के. पी. विश्वनाथा याच्या हस्ते झाले.   या वेळी उद्‍घाटन समारंभ व महिला मेळाव्याचे बुधवारी (ता. ५) आयोजन करण्यात आले होते. या वेळी प्रमुख पाहुणे म्हणून डॉ. विश्‍वनाथा बोलत होते. प्रमुख पाहुणे म्हणून माजी मंत्री विनायकदादा पाटील, आमदार राजाभाऊ वाजे, जिल्हा परिषद अध्यक्ष शीतल सांगळे, पशुसंवर्धन विभाग सहायक आयुक्त डॉ. सुधाकर शिरसाठ, उपायुक्त डॉ. संजय विसावे, पशुधन विकास अधिकारी डॉ. मिलिंद भणगे, मविप्रचे संचालक हेमंत वाजे, एच. टी. पारेख फाउंडेशनच्या स्विटी थॉमस, नाबार्ड विभागीय व्यवस्थापक अतुल वेदपाठक, सिन्नर वाचनालयाचे अध्यक्ष कृष्णा भगत, ज्येष्ठ उद्योजक पुंजाभाऊ सांगळे, जिल्हा परिषद सदस्य नीलेश केदार उपस्थित होते.  डॉ. विश्वनाथा म्हणाले, ‘‘सिन्नर तालुक्यात शेळी दूध संकलन व दुग्धजन्य पदार्थ प्रक्रिया उद्योग हा महिलांची मालकी असलेला आशिया खंडातील पहिला प्रकल्प आहे. या सुरू झालेल्या प्रकल्पासाठी सर्वतोपरी सहकार्य व मार्गदर्शन विद्यापीठाच्या माध्यमातून केले जाईल, त्याबाबतचा सामंजस्य करार युवा मित्र संस्था व महात्मा फुले कृषी विद्यापीठ राहुरी यांच्यामध्ये करण्यात आला आहे.’’ महिला मेळाव्यात भूषणा करंदीकर व सुनील पोटे यांनी महिलांच्या शंकांचे निरसन केले. श्री. पोटे यांनी कंपनीच्या शेअरधारकांना पशुवैद्यकीय सहकार्य व सेवा, प्रशिक्षण, चारा पिके बियाणे व इतर साधने पुरविण्याचे आश्वासन दिले. महिलांनी विमा, शेअर, तसेच शेळीपालनासंबंधी असलेले प्रश्न विचारले व त्यावर त्यांनी मार्गदर्शन केले. या वेळी महिला वर्ग मोठ्या संख्येने उपस्थित होता. युवा मित्र संस्थेच्या संचालिक मनीषा पोटे यांनी प्रास्ताविक केले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Crop Damage : एप्रिलमध्ये पिकांचे २७ कोटींचे नुकसान

Agriculture Irrigation : आक्रोश मोर्चाचे रूपांतर उपोषणात

Cotton Cultivation : सरासरीच्या तुलनेत यंदा कपाशीची लागवड वाढणार

Book Review : ऋग्वेदाच्या पौराणिक अन् वैज्ञानिक स्पष्टीकरणाचा प्रयत्न

Drought Monitoring : दुष्काळ पाहणी पथकांचा सोपस्कार

SCROLL FOR NEXT