सांगली : कोरोना विषाणूचा संसर्ग रोखण्याकरिता सांगली जिल्ह्यात विविध प्रतिबंधात्मक आदेश पारित करण्यात आले आहेत. या आदेशामधून शेती विषयक बाबींना वगळण्यात आलेले असून शेतीची कामे सुरळीत होण्यासाठी, शेतीसाठी आवश्यक असणाऱ्या पंपासाठी लागणाऱ्या सुट्या भागांचा पुरवठा करण्यास तातडीने परवानगी द्या, अशा सूचना संबंधित विभागाला दिल्या आहेत. 

जिल्ह्यात शेतीची कामे सुरू आहेत. खरीप हंगामातील मशागती सुरू झाले आहेत. द्राक्ष डाळिंब बसच्या खरड छाटणी नंतर रासायनिक औषधांची फवारणी करण्यासाठी लागणारे साहित्य आणि त्याची दुरुस्ती करण्याचे काम शेतकऱ्यांनी हाती घेतले आहे. तसेच विद्युत पंप ठिबक सिंचन यंत्रणाची दुरुस्ती आणि नवीन खरेदी शेतकऱ्यांना करावी लागत आहे. दरम्यान कोणाच्या पार्श्वभूमीवर कृषीविषयक दुकाने बंद आहेत. 

त्यामुळे साहित्य मिळण्यास अडचणी निर्माण होत असून शेती विषयक लागणारी अवजारे दुरुस्तीचे साहित्य वेळेत न मिळाल्यास दुरुस्ती करणे कठीण बनणार आहे. त्यामुळे शासनाने कृषी विषयक लागणारे साहित्याची दुकाने सुरू करण्यासाठी परवानगी दिली आहे. त्या अनुषंगाने जिल्ह्यातील शेतीसाठी लागणाऱ्या सुट्या भागांची दुकाने सुरू करून शेतकऱ्यांना लागणारे साहित्य द्यावेत. तसेच शासनाने दिलेल्या नियमानुसारच दुकानातून विक्री आणि आणि साहित्याची दुरुस्ती करावी, अशा सूचनाही त्यांनी केल्या.