औरंगाबाद : माजी उपमुख्यमंत्री तथा राष्ट्रवादीचे नेते अजित पवार यांनी शुक्रवारी आमदारकीचा अचानक राजीनामा दिला आहे.

विधानसभा अध्यक्ष हरिभाऊ बागडे यांच्या मंत्रालयातील कार्यालयात शुक्रवारी (ता.२७) अजित पवार यांनी राजीनामा दिला, त्यानंतर विधानसभा अध्यक्षांना फोन करून राजीनामा मंजूर करण्याची विनंती केली. अजित पवार यांच्या विनंतीनुसार विधानसभा अध्यक्ष हरिभाऊ बागडे यांनी अजित पवार यांचा आमदारकीचा राजीनामा  मंजूर केला असल्याची माहिती विधानसभा अध्यक्ष हरिभाऊ बागडे यांनी दिली.

 अचानक दिलेल्या राजीनामा मुळे राजकीय वर्तुळात एकच खळबळ उडाली आहे. अजित पवार यांनी का राजीनामा दिला आहे याचे कारण कळू शकले नाही.